Tempo di lettura stimato: 1 minuto/i
Articolo aggiornato giovedì, 5 Gennaio 2017 15:44
La casa di Dio
La casa di Dio, quella vera, non ha mura, né limiti né porte. La casa di Dio è dove c’è sofferenza, quindi non incrociate le mani in inutili preghiere ma tendetele al prossimo, perché la vera casa di Dio è nei nostri petti. L’indifferenza e l’ipocrisia sono le più gravi offese prima a noi stessi e poi a chi ci ha creato.
‘A VERA CASA ‘E DIO
‘A vera casa ‘e Dio nun tène mure,
nun tène limmete, nun tène porte;
‘a vera casa ‘e Dio so’’e viche scure,
addò va zuppechianno ‘a malasciorta.
‘A vera casa ‘e Dio nun tène altare,
né scannetielle o appogge p’’e ddenocchie;
‘a vera casa ‘e Dio sta ‘mmiezz’’o mare,
addò ‘a pietà se sbatte e smerza ll’uocchie.
‘A vera casa ‘e Dio so’’e marciappiere,
‘e liette ‘e chi nun tène cchiù a nisciuno,
e spicialmente a vvierno, quann’ è ssera,
p’’o friddo forte tremmano ‘e cartune.
‘Nfi a cché tenimme tanta forza ancora,
‘nfi a cché ll’ammore nuosto nun se struje,
nun ‘a cercamme ‘a fede ‘a part’’e fòra;
‘a vera casa ‘e Dio sta ‘mpiett’ a nnuje!
LEGGI altre poesie e articoli di CULTURA
@ Riproduzione riservata
