Nennella l’acquaiola | Quegli indimenticabili chioschi napoletani

Ultimo aggiornamento:

Tempo di lettura stimato: 2 minuto/i


Nennella l’acquaiola

Una poesia su uno di quegli indimenticabili chioschi napoletani. Chi si ricorderà dei chioschi, quando si vendeva ancora l’acqua sulfurea nelle mmummarelle (piccole anfore di creta), farà un tuffo nel passato. Uno di questi personaggi che rimarrà nei ricordi dei napoletani, è proprio lei, ‘a Nennella l’acquaiola, deceduta alcuni anni fa. Esercitava il mestiere dell’acquafrescaia in via Ecce Homo, nei pressi di Mezzocannone. Il chiosco esiste ancora, ma non è più attivo ed è l’unico che ha tutte le caratteristiche di quelli esistenti nell’800.

ACQUAIOLA ‘E LL’ ACCI OMO

Cu ’o scialle ‘ncopp’’e spalle e ‘o bastunciello,
Nennella è n’acquaiola ‘e stampo antico;
‘a nonna lle lasciaje ‘stu chiuschetiello,
ch’è nu pezzull’’e storia pe’’stu vico.
‘O vico ‘e ll’ Acci-Omo è vviecchio assaje,
è cchillu llà ca va a Miezucannone,
chi è vvicchiariello nun s’’a scorda maje,
ll’acqua zurfegna, acqua d’’o Chiatamone.
E io ca tengo tanta e ttanta sete,
cu ’e mmane a ccuoppo vaco a ‘sta surgente,
addò Nennella raccuntanne sceta,
tutt’’o ppassato dint’ a nu mumento.
“Comm’era fresca dint’’e mmummarelle,
mmiscate dint’’o ggiallo d’’e llimone…”
Nennella dice: “…Ma che ccosa bbella!
Tu nun ‘o ssaje, pecché tu si’ guaglione”.
“Veveva ll’avvocato e ‘o professore,
‘o furastiere,’o nobbele e ‘o pezzente;
se faticava sempe, a ttutte ll’ore,
ccà se fermava tanta e ttanta ggente”.
“Pe’ cchi teneva sete ‘e ‘na giustizia
pe’ cchi stutava ‘a famme cu ’e bbevute;
‘stu chiosco è stato sempe nu servizio,
e ppe’ ttant’anne òi nì, nce aggiu servute”.
Dint’ a ‘stu vicariello accussì stritto,
‘o chiosco d’’a Nennella è ffatt’apposta.
“Chist’è nu piezz’’e storia…” Me so’ dditto…
“E’’o monumento ‘e tutt’’a sete nosta!”

LEGGI altre POESIE



@ Riproduzione riservata

CONDIVIDI L'ARTICOLO
  •  
  •  
  •  
  •  
  •  
  •  
Antonio Ruggiero

Antonio Ruggiero

Scrittore

Lascia un commento

Il tuo indirizzo email non sarà pubblicato.

*

La Gazzetta Digitale

Torna SU